Rusiya Şimali Atlantika blokunda və Avropa Birliyində böhran baş verdiyini görür.

Axar.az xəbər verir ki, bunu Rusiyanın xarici işlər naziri Sergey Lavrov Şanxay Əməkdaşlıq Təşkilatının baş katibi Nurlan Yermekbayevlə görüşündə deyib.

Lavrov Qərb ölkələrinin qeyri-Qərb birliklərinə qarşı siyasətini xarakterizə edərək, Aleksandr Ostrovskinin “Cehizsiz qız” pyesi əsasında çəkilmiş “Zalım romans” filmindən Karandışevin sözlərini sitat gətirib:

“Qərbli həmkarlarımız hesab edirlər ki, böhran yaşadıqları üçün bu böhran, “Zalım romans” filmində deyildiyi kimi, “Heç kimə qismət olma!” prinsipinə uyğun olaraq Qərbdən kənar birliklərə tətbiq edilməlidir”.