İranın Səudiyyə Ərəbistanının Amerika şirkətləri ilə əlaqəli sənaye müəssisələrinə gecə hücumu sülh danışıqlarını pozmaq təhlükəsi daşıyır.

Axar.az xəbər verir ki, bu barədə “Röyters” agentliyi Pakistanın yüksək vəzifəli təhlükəsizlik rəsmisinə istinadən məlumat yayıb.

Bildirilib ki, Səudiyyə Ərəbistanı cavab tədbirləri görərsə, danışıqlar dayandırılacaq.

O əlavə edib ki, cavab zərbələri Pakistanı iki ölkə arasında imzalanmış müdafiə müqaviləsi əsasında münaqişəyə cəlb edə bilər.

İkinci mənbə isə deyib ki, İran "nazik buz üzərində gəzir" və növbəti üç-dörd saat gələcək dialoq üçün çox vacibdir.

Qeyd edək ki, Pakistan hər iki tərəfin irəli sürdüyü sülh təklifləri ilə bağlı ABŞ-İran müzakirələrində əsas vasitəçidir.