ABŞ və İsrailin İrana hücumu nəticəsində yaranan neft və qaz böhranı səbəbindən Rusiyanın neftdən əldə etdiyi gəlir aprel ayında ikiqat artaraq 9 milyard dollara çatacaq.

Axar.az xəbər verir ki, bu barədə “Röyters” məlumat yayıb.

Məlumata görə, dünyanın ikinci ən böyük neft ixracatçısı olan Rusiya müasir tarixin ən pis enerji böhranına səbəb olan İranla müharibədən faydalanıb:

“Rusiyanın mineral hasilatı vergisi gəlirləri mart ayında 327 milyard rubldan aprel ayında təxminən 700 milyard rubla (9 milyard dollar) qədər artacaq. Ötən ilin aprel ayı ilə müqayisədə daxilolmalar təxminən 10% artıb”.