Sionist rejimin Livana qarşı təkrarlanan təcavüzü ilkin atəşkəs müqaviləsinin kobud şəkildə pozulması, aldatma və mümkün razılaşmalara əməl edilməməsinin təhlükəli bir göstəricisidir.

Axar.az xəbər verir ki, bunu İran Prezidenti Məsud Pezeşkian deyib.

“Bu təcavüzkar hərəkətlərin davam etdirilməsi danışıqları mənasız edəcək, əllərimiz tətikdə qalacaq və İran heç vaxt livanlı qardaş və bacılarını tərk etməyəcək”, - o bildirib.

Qeyd edək ki, ABŞ və İran arasında ötən gün iki həftəlik atəşkəs razılaşması əldə edilib. Buna baxmayaraq, İsrail Livanın bu atəşkəs razılaşmasına aid olmadığını bildirərək, bu ölkəyə hücumlarını artırıb.