ABŞ Prezidenti Donald Tramp İran tərəfi üçün razılaşma təklifi və atəşkəs rejiminin vaxtı ilə bağlı son tarix müəyyən etməyib.

Axar.az xəbər verir ki, bu barədə Ağ Evin sözçüsü Karolina Levitt deyib.

"Bu gün gördüyüm bəzi məlumatlara baxmayaraq, Prezident İrandan təklif almaq üçün dəqiq bir zaman təyin etməyib. Bilirəm ki, bəzi anonim mənbələr son tarixin üç-beş gün ərzində ola biləcəyini bildiriblər. Bu, doğru deyil. Prezidentin özü heç bir son tarix müəyyən etməyib

Nəticədə, son tarixi Amerika Birləşmiş Ştatlarının Prezidenti müəyyən edəcək", - deyə o, bu məsələ ilə bağlı suala cavab verərkən bildirib.

Qeyd edək ki, ötən gün ABŞ Prezidenti Donald Tramp İranla atəşkəs rejiminin müddətinin uzadıldığını açıqlayıb.