İran Prezidenti Məsud Pezeşkian podratçı şirkətlərin mərhələli şəkildə ləğv edilməsi ilə bağlı əmr imzalayıb.

Axar.az xəbər verir ki, bu barədə "Azad İran" Teleqram kanalı məlumat yayıb.

Məlumata görə, bu məsələ daha əvvəl ölkədə vəziyyətin kəskinləşdiyi dövrdə də gündəmə gətirilmişdi.

İranda podratçı şirkətlər sisteminin ləğvi on ildən artıqdır ki, xüsusilə neft və neft-kimya sənayesində çalışan işçilərin əsas tələblərindən biri olaraq qalır.

Söhbət vasitəçi firmaların cəlb olunması ilə bağlı uzun illərdir davam edən təcrübədən gedir. İşçilərin fikrincə, bu sistem əmək şəraitini pisləşdirir və sosial təminatların səviyyəsini aşağı salır.