Ukrayna ABŞ-la Rusiyanın 9 May üçün atəşkəs təklifini müzakirə edəcək.

Axar.az xəbər verir ki, bunu Ukrayna Prezidenti Vladimir Zelenski deyib.

“Nümayəndələrimizə ABŞ prezidentinin komandası ilə əlaqə saxlamağı və Rusiyanın qısamüddətli atəşkəs təklifinin təfərrüatını öyrənməyi tapşırdım. Ukrayna sülhə can atır və bu müharibənin real şəkildə sona çatması üçün lazımi diplomatik işləri görür. Öncə konkret olaraq nədən bəhs edildiyini dəqiqləşdirək: Moskvadakı parad üçün təxminən bir neçə saatlıq təhlükəsizlik tədbirləri, ya daha çox şey? Bizim təklifimiz uzunmüddətli atəşkəsdir və insanlar üçün etibarlı təhlükəsizlik, uzunmüddətli sülhü təmin edir. Ukrayna bunun üçün istənilən layiqli və effektiv formatda çalışmağa hazırdır”, - o bildirib.