İranın hava hücumları ABŞ-ın Yaxın Şərqin 8 ölkəsində yerləşən ən azı 16 hərbi obyektinə zərər vurub.

Axar.az xəbər verir ki, bu barədə CNN telekanalı məlumat yayıb.

Məlumata görə, sözügedən obyektlər ABŞ-ın Yaxın Şərqdəki əsas hərbi mövqelərinin mühüm hissəsini təşkil edir. Telekanal bildirir ki, onlardan bəziləri hazırda faktiki olaraq istifadəyə yararsız vəziyyətdədir.

Hücumlar nəticəsində kəşfiyyat təyyarələri, rabitə avadanlıqları və radar sistemləri zərər görüb.

Qeyd edək ki, fevralın 28-də ABŞ və İsrail İrana qarşı hərbi əməliyyatlara başlayıb. İran isə buna cavab olaraq İsrailə və ABŞ-ın Körfəz ölkələrindəki hərbi bazalarına zərbələr endirib.

Aprelin 8-də tərəflər arasında iki həftəlik atəşkəs razılaşması əldə edilib və daha sonra bu razılaşmanın müddəti uzadılıb.