Almaniya əhalisinin 70%-dən çoxu kansler Fridrix Merzin işindən narazıdır, 75%-dən çoxu isə ölkə hökumətinin fəaliyyətindən məmnun deyil.

Axar.az xəbər verir ki, bu barədə "Bild am Sonntag" qəzetinin sifarişi ilə İNSA sosioloji institutunun keçirdiyi sorğunun nəticələrinda qeyd olunub.

Araşdırmaya görə, respondentlərin yalnız 19%-i Merzin işindən razıdır, 71%-i isə narazılığını bildirib.

Sorğuda iştirak edənlərin 76%-i Almaniyanın hazırkı hökumətindən narazıdır və bu, rekord göstərici olub. Yalnız 16% hökumətin işini qənaətbəxş hesab edir.

Sorğu 29-30 apreldə 1 004 respondent arasında keçirilib.