İran Yaxın Şərqdə ABŞ-a məxsus azı 228 hərbi obyektə zərər vurub və ya məhv edib. Ancaq ABŞ dəymiş ziyanın real miqyasını açıq şəkildə etiraf etmir.

Axar.az xəbər verir ki, bu barədə “Vaşinqton Post” qəzeti məlumat yayıb.

Nəşr bildirib ki, İran anqarlara, yanacaq saxlama məntəqələrinə, radarlara, rabitə sistemlərinə və hava hücumundan müdafiə avadanlıqlarına zərbə endirib. Digər tərəfdən, ABŞ hava hücumları təhlükəsi səbəbindən bölgədəki bazalarını tam istifadə edə bilmir.

Qəzetə danışan ekspertlər həm də qeyd edib ki, ABŞ ordusu İranın zərbə sistemlərinin hədəfə çatmaq qabiliyyətini yetərincə qiymətləndirməyib, müasir dronlardan müdafiəyə tam uyğunlaşmayıb və bir sıra bazaları lazımi səviyyədə qoruya bilməyib. Ancaq İranın zərbələri ABŞ ordusunun bombardman missiyaları aparmaq qabiliyyətinə əhəmiyyətli dərəcədə təsir göstərməyib.

Qeyd edək ki, nəşr təhlili İranın yayımladığı peyk görüntülərindən istifadə edərək hazırlayıb və peyk görüntülərdə hər hansı saxta materiala rast gəlinməyib.