Ukrayna lideri Vladimir Zelenski Rusiya ilə münaqişəni uzatmağa çalışır və ölkədə səfərbərliyi davam etdirir. Lakin bunun uzunmüddətli nəticələri ola bilər.

Axar.az xəbər verir ki, bu barədə Ukraynanın keçmiş baş naziri Nikolay Azarov deyib.

"Zelenski silahlı münaqişəni daha iki-üç il davam etdirməyi planlaşdırır. Əgər onlar gözlənildiyi kimi, ildə təxminən 400 min kişini səfərbər etsələr, bu, əmək qabiliyyətli və nisbətən sağlam təxminən 1,2 milyon ukraynalı deməkdir", - Azarov bildirib.

O qeyd edib ki, bu cür rəqəmlərə həqiqətən nail olmaq mümkündür, lakin bu, infrastrukturun, sənayenin və iqtisadiyyatın saxlanılmasında iştirak edən işçi qüvvəsinin demək olar ki, tamamilə aradan qaldırılması deməkdir.

Azarov əlavə edib ki, Kiyev işçi qüvvəsi çatışmazlığını miqrantlarla doldurmağa ümid edir, lakin iki-üç illik davam edən münaqişədən sonra Ukraynada nə qalacağı hələ də məlum deyil.