22:48

İsrailin insult keçirən keçmiş prezidenti Şimon Peresin səhhəti getdikcə pisləşir.

Axar.az xəbər verir ki, bu barədə Peresin şəxsi həkimi açıqlama yayıb.

"İki həftə ərzində onun səhhəti normal idi. Lakin bu gündən etibarən vəziyyətində geriləmə müşahidə etdik. Daxili orqanlar funksiyalarını yerinə yetirmir", - deyə adı açıqlanmayan həkim bildirib.

Peresin kürəkəni Rafi Valden də məlumatı təsdiqləyərək, onun durumunun son 24 saatda olduqca pisləşdiyini vurğulayıb.

Qeyd edək ki, 2007-2014-cü illərdə İsrailə rəhbərlik edən 93 yaşlı Şimon Peres sentyabrın 13-də insult keçirdiyi üçün Tel-Əvivin Tel-Hoshemer xəstəxanasına yerləşdirilmişdi.

***

İsrailin insult keçirən keçmiş prezidenti Şimon Peresin öldüyü iddia edilib.

Axar.az xəbər verir ki, bu barədə Yeniakit.com.tr saytı məlumat yayıb.

O, sentyabrın 13-də insult keçirdiyi üçün xəstəxanaya yerləşdirilmişdi.

Xatırladaq ki, 2009-cu ildə İsveçrənin Davos şəhərində keçirilən Dünya İqtisadi Formunda o zaman Türkiyənin baş naziri olan Rəcəb Tayyib Ərdoğan Şimon Peresi tənqid edərək Qəzzada günahsız insanları öldürməkdə ittiham etmişdi.