Əli Xameneinin 35 metr dərinlikdə, partlayışa davamlı otaqla təchiz olunmuş gizli yeraltı sığınacağı var imiş.

Axar.az-ın “İran İnternəşnl” kanalının əldə etdiyi xüsusi xəritələrə və təhlükəsizlik mənbələrinə istinadən verdiyi xəbərə görə, İslam İnqilabı Keşikçiləri Korpusu (SEPAH) Tehrandakı Mofid küçəsi yaxınlığında (ali rəhbərin iqamətgahı yaxın) Əli Xameneini qorumaq üçün böyük yeraltı kompleks inşa edib.

Bu kompleks yerin təxminən 30-35 metr dərinliyində yerləşir və partlayışa davamlı xüsusi otağa malikdir.

Yerüstü hissəsində idman mərkəzi olan bu kompleksin yeraltı hissəsində çoxmərtəbəli avtomobil dayanacaqları, atıcılıq tirləri və komandirlər üçün beşmərtəbəli ofislər mövcuddur. Kompleks tunellər vasitəsilə Vəliəsr, Pastor və Cümhuriyyət küçələrinə bağlanır. İnşaat işlərinə SEPAH-ın “Xatəmül-Ənbiya” qərargahı rəhbərlik edib.

Məlumata görə, bu sığınacaq İsrailin ali rəhbərin iqamətgahına hücumunun hədəflərindən biri olub, lakin peyk görüntüləri onun tamamilə məhv edilmədiyini göstərir.