Rusiyanın Oryol bölgəsindəki bütün “Rosneft” və “Qazprom” yanacaqdoldurma məntəqələri nəqliyyat vasitələrinin nömrə nişanlarına əsasən benzin verməyə başlayacaq.

Axar.az xəbər verir ki, bu barədə Teleqram kanallarında məlumat yayılıb.

Məlumata görə, şənbə günləri 0 və 1 ilə başlayan nömrə nişanları, bazar günü 2 və 3 ilə başlayan nömrə nişanları, bazar ertəsi günü 4 və 5 ilə başlayan nömrə nişanları, çərşənbə axşamı günü isə 6, 7, 8, 9 ilə başlayan nömrə nişanlarına yanacaq doldurmağa icazə veriləcək.

Qeyd edək ki, Ukraynanın Rusiya neft emalı zavodlarına ardıcıl zərbələri nəticəsində Rusiyada yanacaq qıtlığı yaşanır.