ABŞ Hərbi Hava Qüvvələri 1850 kilometr mənzilə malik yeni hava bazalı raketin hazırlanmasını planlaşdırır.

Axar.az xəbər verir ki, bu barədə “Var Zone” nəşri məlumat yayıb.

Məlumata görə, ABŞ Hərbi Hava Qüvvələri quru, hava və dəniz hədəflərini vurmaq üçün 1850 kilometrdən artıq mənzilə malik yeni AFLRW raketinin hazırlanmasına başlayacaq.

Bildirilib ki, yeni raket iki variantda – “hava-hava” və “hava-yer” siniflərində hazırlanacaq. Layihənin məqsədi ABŞ Müdafiə Nazirliyinin yeni nəsil uzaqmənzilli silah sistemləri ilə bağlı tələblərini qarşılamaqdır.

Raketin hansı tip hərbi təyyarələrdə istifadə olunacağı açıqlanmayıb.