ABŞ Prezidenti Donald Trampın türkiyəli həmkarı Rəcəb Tayyib Ərdoğana Vaşinqtonun Ankaraya F-35 beşinci nəsil qırıcı təyyarələrinin satışına icazə verməyə hazır olduğunu bildirəcəyi gözlənilir.

Axar.az xəbər verir ki, bu barədə “Nyu York Post” məlumat yayıb.

Mənbələrin məlumatına görə, hələlik Trampın bu addımı hansı yolla həyata keçirməyi və Türkiyəyə F-35 qırıcılarının tədarükünə dair Konqresin qadağasını necə aşmağı planlaşdırdığı məlum deyil.

Nəşr qeyd edir ki, Amerika rəsmiləri Ağ Ev rəhbərinin fikrini dəyişə biləcəyi ehtimalını istisna etməyiblər.

Xatırladaq ki, 7-8 iyulda Türkiyədə NATO Sammiti keçiriləcək. Sammitə ABŞ Prezidenti Donald Tramp da qatılacaq.