ABŞ və İsrailin hava hücumu nəticəsində həlak olan İranın dini lideri Əli Xameneinin nəşinin olduğu tabut İraqa çatdırılıb. Cənazə İraqın Nəcəf şəhərinin hava limanına xüsusi təyyarə ilə gətirilib.

Axar.az Teleqraf-a istinadən xəbər verir ki, Dəfn Təşkilatları üzrə Ali Komitə Nəcəf və Kərbəla şəhərlərində vida mərasimləri üçün logistik və texniki hazırlıqların tam başa çatdığını elan edib.

İraqda keçirilən vida mərasimlərində iştirak edən İran nümayəndə heyətinə Prezident Məsud Pezeşkian rəhbərlik edir. O, Nəcəfə çatdıqdan dərhal sonra İraqın Baş naziri Əli əl-Zeydi ilə danışıqlar aparıb. İraqın Baş naziri bu mərasimlə bağlı 8 iyulu tətil günü elan edib.

Qeyd edək ki, fevralın 28-də iqamətgahına endirilən zərbələrlə öldürülən Əli Xamenei ilə vida mərasimi iyulun 3-də Tehranda başlayıb. Dəfn mərasimi iyulun 9-da mərhumun doğulduğu Məşhəd şəhərində keçiriləcək.