Ukrayna Silahlı Qüvvələrinin Xəzər dənizində gəmilərə endirdiyi zərbələri son dərəcə təhlükəlidir.

Axar.az xəbər verir ki, bu barədə Kremlin mətbuat katibi Dmitri Peskov jurnalistlərə açıqlamasında deyib.

O bildirib ki, bu cür hücumlar regionda gərginliyin növbəti mərhələsidir:

"Bu, son dərəcə təhlükəlidir. Bu, gərginliyin növbəti mərhələsidir. Kiyev rejimi ilə mübarizə aparmaq lazımdır".

Xatırladaq ki, iyulun 25-də İran Ukraynanı Xəzər dənizində İranın ticarət gəmisinə zərbə endirməkdə ittiham edib. İran Xarici İşlər Nazirliyi hadisə nəticəsində bir nəfərin həlak olduğunu, bir nəfərin isə yaralandığını açıqlayıb və Ukraynanın müvəqqəti işlər vəkilinə etiraz notası təqdim edib.