Kaliforniyada ABŞ Prezidenti Donald Trampın qolf klubunun yaxınlığında silahlı kişi saxlanılıb.

Axar.az xəbər verir ki, bu barədə “Quardian” qəzeti məlumat yayıb.

Məlumata görə, avqustun 2-də gizli fəaliyyət göstərən federal agentlər şübhəli şəxsi müşahidə ediblər:

“O, qolf meydançasında gəzib, foto və video çəkib, görünür təhlükəsizlik planlaşdırma fəaliyyətlərini izləyirmiş”.

Saxlanılan şəxsin həbs olunduğu zaman soyğunçuluqda təqsirli bilinən 38 yaşlı Canin Con Tale olduğu ortaya çıxıb. Ondan patronlarla dolu daraq götürülüb, avtomobilində isə doldurulmuş tapança və döyüş sursatı aşkarlanıb. Eyni zamanda, polis onun evində silah, zirehli jilet və narahatedici bəyanatlar olan bir neçə qeyd dəftəri tapıb.