Səddam Hüseynin hakimiyyəti dövründə İraqın BMT-dəki daimi nümayəndəliyinin binasının zirzəmisində işgəncələr üçün gizli otaq var idi.

Axar.az xəbər verir ki, bu barədə informasiyanı "Nyu York Tayms" qəzeti yayıb. Qəzet bu otağın ABŞ-da yaşayan iraqlıların təsir altına salınması üçün istifadə edildiyini bildirib:

"Bunun sayəsində onları ya öz ölkələrinə qohumlarının yanlarına göndərməyə, ya da Bağdad hökuməti ilə əməkdaşlığa məcbur edirdilər. Otaq çox qaranlıq olurdu. Otağın qapıları həddən artıq möhkəm idi. Buradan ümumiyyətlə heç bir səs eşidilmirdi. Səddam Hüseynin hakimiyyəti dönəmində belə gizli işgəncə otaqları İraqın demək olar ki, əksər səfirliklərində mövcud olub. Bu tip otaqlar xüsusilə Şərqi Avropa və ərəb ölkələrində daha geniş istifadə edilib".

Qeyd edək ki, Səddam Hüseyn 1979-2003-cü illərdə İraqı idarə edib. ABŞ-ın İraqa müdaxiləsi nəticəsində hakimiyyətdən devrilib və həbs edilib. Bir müddət sonra isə məhkəmənin qərarı ilə edam olunub.