Vaşinqton administrasiyası Venesuela sazişindən əldə etdiyi neftdən strateji enerji ehtiyatlarını artırmaq üçün istifadə etmək niyyətindədir.

Axar.az xəbər verir ki, bunu ABŞ Prezidenti Donald Tramp deyib.

"Venesuela nefti ilə etməyi planlaşdırdığım işlərdən biri də yuxulu Co Bayden (ABŞ-ın 46-cı prezidenti) dönəmində demək olar ki, tükənmiş milli strateji ehtiyatları artırmaqdır. Onların maksimum tutumla doldurulması prosesi çox tezliklə başlayacaq və bu, Venesueladan ABŞ xalqına bir hədiyyədir", - Tramp bildirib.

Qeyd edək ki, bundan öncə Venesuela prezidentinin səlahiyyətlərini icra edən Delsi Rodriges ABŞ-la neft sazişinin detallarını açıqlamışdı.