ABŞ Ukrayna və Rusiyanın qış ərzində müharibənin gərginliyini azaltmaq üçün hansı addımları ata biləcəyini araşdırır. Eyni zamanda, daha geniş sülh sazişi ilə bağlı danışıqların yenidən başlanması məsələsi də gündəmdədir.

Axar.az xəbər verir ki, bunu Ukrayna Prezidenti Vladimir Zelenski bildirib.

Zelenski hesab edir ki, qış başlamazdan əvvəlki həftələr diplomatiya üçün imkan yaradır.

Zelenski Kreml rəhbəri Vladimir Putinin Ukraynanı zəiflətmək üçün daha bir sərt qışa ümid etdiyinə əmindir. Lakin o əlavə edib ki, Putinə “Tramp lazımdır” və Rusiya lideri ABŞ-da keçiriləcək aralıq seçkiləri ərəfəsində Amerika prezidentini qəzəbləndirmək istəmir.

“Mənim hissim belədir ki, Putinə Tramp lazımdır. O, Trampı məyus etmək istəmir”, – Zelenski vurğulayıb.

O əlavə edib ki, Putin gərginliyi azaltmaq istəməsə belə, Tramp administrasiyası onu buna məcbur etmək üçün təzyiq göstərə bilər.