Ukrayna PUA-ları sentyabrın 9-na keçən gecə Rusiyanın ən böyük dəniz limanının yerləşdiyi Novorossiysk şəhərinə hücum edib.

Axar.az xəbər verir ki, bu barədə “Astra” məlumat yayıb.

Məlumata görə, hücumun hədəfi dəniz ticarət limanının tərkibinə daxil olan Novorossiysk mazut terminalı olub.

Terminal dəmir yolu ilə gətirilən mazutu qəbul edir, saxlayır və dəniz gəmilərinə yükləyir. Onun illik yükaşırma gücü təxminən 4 milyon tondur. Nəticədə yanacaq çənlərindən ən azı birinə ziyan dəyib. Terminalın ərazisində güclü yanğın baş verib. Həmçinin Volqoqradskaya küçəsində yerləşən çoxmərtəbəli yaşayış binasında da yanğın başlayıb.