İsrailin Baş naziri Benyamin Netanyahu Ər-Riyad hava limanına hücumu pisləyib və həlak olanların ailələrinə başsağlığı verib.

Axar.az xəbər verir ki, o, bu barədə X səhifəsində yazıb.

"Ər-Riyad Beynəlxalq Hava Limanında 12 günahsız insanın həyatına son qoyan və yüzlərlə insanın yaralanmasına səbəb olan dəhşətli terror hücumunu qətiyyətlə pisləyirəm. İsrail xalqı adından həlak olanların ailələrinə dərin hüznlə başsağlığı verir, yaralananlara isə tezliklə sağalmalarını arzulayıram”, - o bildirib.

Netanyahu əlavə edib ki, terrorizm dinc insanları hədəf alır, qorxu və qeyri-sabitlik yaratmağa çalışır. O, həmçinin terrorizmin bütün təzahürlərinə qətiyyətlə qarşı çıxmağa çağırıb.

Qeyd edək ki, ötən gün Səudiyyə Ərəbistanının Mülki Aviasiya Baş İdarəsi husilərin hava limanına hücumu nəticəsində azı 12 nəfərin öldüyünü, 309 nəfərin (son məlumata görə) yaralandığını açıqlayıb. Ər-Riyad Beynəlxalq Hava Limanı oktyabrın 11-i günün sonunadək bağlı olacaq.