"Rusiya Ukraynanı avtomat altında qərar qəbul etməyə vadar etdiyi vaxt Ermənistan qanunsuz referendumun nəticələrini dəstəklədi. Bu, Ermənistan xalqı üçün təhqirdir".

Bu sözləri erməni deputat Aleksandr Arzumanyan deyib.

Deputat Ermənistanın BMT Baş Assambleyasında Ukraynaya dair qətnamənin əleyhinə səs verməsini milli rüsvayçılıq adlandırıb: "Bu, bizim üçün böyük rüsvayçılıqdır. Ermənistanın müstəqilliyi dövründə belə bir şey olmamışdı. Biz heç vaxt qul olmamışdıq. Ən azından neytrallığı qorumaq lazım idi. Bu, diplomatik münasibətlərin qaydasıdır".

Aleksandr Arzumanyanın sözlərinə görə, bu addımı atmaqla Ermənistan Avropaya yolunu bağlamış oldu: "Rəsmi İrəvanın Avropaya can atdığını söyləmək cəfəngiyyatdır. Bundan sonra Ermənistan heç kəsin hesablaşmayacağı dövlət oldu".