İncirlik aviabazası hələlik alman ziyarətçilər üçün münasib deyil.

Axar.az xəbər verir ki, bu sözləri Türkiyə Baş nazirinin müavini və hökumət sözçüsü Numan Qurtulmuş jurnalistlərə açıqlamasında deyib.

“Son zamanlar aviabaza məsələsi gündəmdədir. XİN rəhbərləri intensiv danışıqlar aparır. Türkiyənin terror qrupları ilə bağlı həssaslığı rəsmi Berlinə çatdırılıb. Həmçinin bu ölkələrdə türk vətəndaşlarına edilən basqılar da qəbuledilməzdir. Hər şeydən əvvəl aydın olmalıdır ki, alman əsgərlərinin olduğu İncirlik türk aviabazasıdır. Konyadakı isə NATO-nun aviabazasıdır”, - sözçü bildirib.

Qeyd edək ki, bundan öncə açıqlama verən Türkiyə XİN rəhbəri Mövlud Çavuşoğlu da Konyadakı bazanın alman millət vəkillərinin ziyarəti üçün mümkün olduğunu bildirmişdi.