Qırğızıstan Prezidenti Almazbek Atambayev MDB dövlət başçılarının Soçidəki görüşünə getməkdən imtina edib.

Axar.az xəbər verir ki, bu barədə informasiyanı Qırğızıstan prezidentinin mətbuat xidməti yayıb. Səfərin ləğvinə səbəb kimi ölkədə dövlət çevrilişi cəhdinin olma ehtimalı göstərilib.

Qeyd edək ki, Atambayevin səfəri 10-11 oktyabr tarixlərində baş tutmalı idi.

Bundan öncə Qırğızıstanda deputat Kanatbek İsayevə qarşı kütləvi iğtişaşların təşkili və dövlət çevrilişinə cəhd ittihamı ilə cinayət işi açılıb və o, həbs edilib. O, ölkənin ana müxalifəti olan Ata Yurd Partiyasının namizədi Omurbek Babanovun ən yaxın dəstəkçilərindən sayılır.

Atambayev isə Qazaxıstanı Qırğızıstanın daxili işlərinə müdaxilədə günahlandırıb.