Ukrayna prezidenti Poroşenko atəşkəslə bağlı yeni şərt irəli sürüb.

Axar.az xəbər verir ki, Poroşenkonun irəli sürdüyü şərtdə bildirilir ki, ATƏT-in nəzarətində olan sərhədlərin təhlükəsizliyinin təmin olunması, hər iki ölkənin silahı yerə qoyması, bütün girovların sərbəst buraxılacağı təqdirdə atəşkəs rejimi yenidən tətbiq olunacaq.

Prezidentin rəsmi saytından verilən məlumata görə, Poroşenko Avropa Parlamentinin başçısı Martin Şultsa zəng vuraraq bu haqda xəbər verib.

Martin Şults isə bildirib ki, Ukraynanın sabit və demokratik Avropa dövləti olması üçün lazımi siyasi əlaqələrin təmin olunması yolunda bütün diplomatik imkanları yaratmağa hər an hazırdırlar.

Xatırladaq ki, dövlət rəsmilərinin baş tutan telefon danışıqları zamanı Poroşenko Şultsu yaxın zamanda Ukraynaya dəvət edib.