Layihənin ümumi dəyərinin 150 milyard dollardan çox olduğu deyilir.

Axar.az xəbər verir ki, Çin hökuməti yeni dünya miqyaslı layihəni gözdən keçirib. Dəmir yolu Sincan Uyğur Muxtar bölgəsindən Türkiyənin İstanbul şəhərinə qədər olacaq 6 min kilometrlik məsafəni əhatə edəcək.

Çinin ən böyük dəmir yolu şirkəti olan CSR-in rəhbəri Zao Şioyanq sürət qatarı xəttinin Qırğızıstan, Tacikistan, Özbəkistan, Türkmənistan, İran və Türkiyəyə uzanacağını söyləyib.

Rəsmilər işlərə başlanıldığı təqdirdə xəttin 2020-ci ildə istifadəyə veriləcəyini, 2030-cu ildə tam hazır olacağını açıqlayıb.

Sərnişin qatarlarının sürəti saatda 200 kilometrə, yük qatarlarının sürəti isə saatda 160 kilometrə çatacaq.