Bu birlik bizim gördüyümüz qədərilə dörd bənzəməzin birliyidir. Məcburi nikah deyirlər, bax, onun kimi bir məcburi birlik görürük. Bunları motivasiya edən, bir araya gətirən şey Türkiyənin mənfəəti, gələcəyi, görüləcək işlər deyil, cənab prezidentimiz Rəcəb Tayyib Ərdoğana zidd mövqedə dayanmaqdır.

Axar.az xəbər verir ki, bu sözləri Türkiyə Baş nazirinin müavini Bəkir Bozdağ deyib.

“Onları “Rəcəb Tayyib Ərdoğana zidd olanlar birliyi” və ya “Qəzəblilər birliyi” adlandırmaq olar. Prezidentimizə qarşı qəzəbi olanlar bir yerə toplaşdılar. Əminəm ki, bu ittifaq mərhum Nəcməddin Ərbakanın sümüklərini sızlatmışdır. Çünki Ərbakan bəyin təmsil etdiyi bütün dəyərlərin düşmənidir CHP. Bunların prezidentə qarşı olan nifrərtləri, kinləri ağıllarını başlarından alıb, nə etdiklərini bilmirlər”, - Bozdağ bildirib.

Xatırladaq ki, Türkiyənin Cümhuriyyət Xalq, İYİ, Səadət və Demokrat partiyaları arasında seçki koalisiyası yaradılması haqqında razılıq əldə olunub.