Əfqanıstanın şimalındakı döyüşçülərin sayı 15-20 min nəfərdir.

Axar.az xəbər verir ki, bunu Kollektiv Təhlükəsizlik Müqaviləsi Təşkilatının iclasında çıxışı zamanı Rusiya Təhlükəsizlik Şurasının katibi Nikolay Patruşev deyib. O, buna görə KTMT ölkələrinə qarşı təhlükəsizlik təhdidlərinin artdığını bildirib.

Patruşev təkcə Tacikistanla sərhəddə 7 min əfqan döyüşçüsünün olduğunu vurğulayıb:

“Əfqanıstandan Tacikistan, Türkmənistan, Özbəkistana terrorçuların giriş riski artır. Buna görə də KTMT çərçivəsində terrorizmlə mübarizənin gücləndirilməsini dəstəkləyirik”.

Qeyd edək ki, bundan öncə Rusiya Müdafiə naziri Sergey Şoyqu da Özbəkistana səfəri zamanı Əfqanıstandakı vəziyyətin Mərkəzi Asiya üçün təhdid olduğunu demişdi.