"Qarabağ klubunda vəhhabi yoxdur. Bütün bu yayılan fikirlər boş-boş söhbətlərdir".

Bu sözləri Axar.az-a "Qarabağ" klubunun mətbuat xidmətinin rəhbəri Nurlan İbrahimov komandada vəhhabilərin olması haqda deyilənlərə münasibət bildirərkən deyib.

Klub sözçüsü qeyd edib ki, dini nöqteyi-nəzərdən yanaşanda "Qarabağ" komandasında fərqli təriqətlərə aid adamlar var: "Bu da normaldır. Komandada şiə də, sünni də var. Ancaq vəhhabi olması boş söhbətdir. Komandada 11 legioner var, qalanı yerli futbolçulardır".

N.İbrahimov komandanın müdafiəçiləri - Rəşad Sadıqov və Bədavi Hüseynovun sələfi olması haqda səslənən fikirləri də yalan adlanırıb.

O, klubun Avroliqa oyunlarını hansı stadionda keçirəcəyi barədə sualımıza isə cavabında bildirdi ki, oyun Tofiq Bəhramovda baş tutacaq: "O vaxta qədər ot örtüyü yenilənəcək, təmir işləri başa çatacaq".