Yunanıstanda irqçiliklə mübarizə çərçivəsində hazırlanan ancaq koalisiya hökuməti ortaqları arasında razılaşmaya olmaması üzündən təxirə salınan və edilən dəyişikliklərdən sonra yenidən parlamentə gətirilən qanun dünən keçirilən ikinci səsvermədə təsdiqlənib.

Axar.az Anadolu Agentliyinə istinadən xəbər verir ki, parlamentdə 101 millət vəkilindən ibarət iclasda cümə günü keçirilən ilk səsvermədə müxalif partiyaların ad oxunaraq səs verilməsi tələbinə görə dünənə təxirə salınan qanun səs çoxluğu ilə qəbul edilib.

Parlamentdə keçən cümə günü keçirilən səsvermədə Ədliyyə Nazirliyi səviyyəsində hazırlanan qanunun 3 maddəsi təsdiqlənmişdi. Qanunun digər 3 maddəsinin də dünən təsdiqlənməsi ilə "İrqçiliyə Qarşı Mübarizə Qanunu" qəbul edilmiş oldu.

Qanunda "beynəlxalq məhkəmələr və Yunan Parlamentinin qərarı ilə tanınan soyqırımları, hərbi cinayətləri, insanlığa qarşı işlənən cinayətləri və Nasist cinayətlərini inkar edənlərə 3-6 ay həbs və 5-20 min avro cəza" nəzərdə tutulub.

Xatırladaq ki, Yunan Parlamenti 1996-cı ildə erməni iddialarını "soyqırım" olaraq tanıyıb.