İsrail əsgərləri ölkənin baş nazirinə maraqlı məktub göndəriblər.

Axar.az Türkiyə mətbuatına istinadən xəbər verir ki, İsrail kəşfiyyatının ehtiyatda olan 43 əsgəri imzaladıqları məktubda fələstinlilərə qarşı insan haqlarının pozulmasında iştirak etmək istəmədiklərini açıqlayıblar.

Onlar məktubda fələstinlilər arasında heç bir fərqin qoyulmadığını bildiriblər:

"İsrailə qarşı hücumlar edən fələstinlilərlə günahı olmayanlar arasında fərq qoyulmur. Milyonlarla insanın hüquqlarını pozuruq. Vicdanımız bu sistemə xidmət etməyə imkan vermir. Biz 82-00 nömrəli bölmənin gerçək məqsədini anlayırıq. Özünü müdafiə bunun əsasını təşkil edə bilər, amma əsl məqsəd Fələstin əhalisini nəzarətdə saxlamaqdır. Bizim hücum etdiyimiz insanlar terrorçu deyillər. Onların bomba hücumları təşkil edən insanlara heç bir aidiyyatı yoxdur. Bütün fələstinlilər düşmən deyil. Amma bizim ordumuz son əməliyyatlarda hər bir fələstinli İsrailin düşməniymiş kimi hücum etdi".

İsrailin Strategiya Nazirliyi əsgərlərin MKİ-nin köhnə agenti Edvard Snoudendən təsirlindiklərini açıqlayıb.