Türkiyə Silahlı Qüvvələri bölgədə başlanacaq hərbi əməliyyatlar məqsədi ilə hazırlıqlara başlayıb.

Axar.az xəbər verir ki, bu barədə Prezident Rəcəp Tayyip Ərdoğanın açıqlama verib.

"TSK hazırlıqlara başladı" deyən prezident Suriya və İraqla sərhəddə "Uçuşa qadağan" bölgənin yaradılacağını bildirib.

Onun sözlərinə görə, Türkiyə sərhədləri yaxınlığındakı bu düşərgələri türk əsgərləri deyil, ABŞ-ın rəhbərliyi altındakı koalisiya qüvvələri qoruyacaq.

Xatırladaq ki, Türkiyənin bu hazırlıqlarına səbəb ABŞ-ın yaratdığı koalisiyanın İŞİD-ə qarı hərbi əməliyyatlara hazırlaşmasıdır.

CNN-nin məlumatına görə, Türkiyə artıq sərhəd ərazilərdə hərbi əməliyyatların gedişini və təhlükəsizlik planını hazırlayır. Bu hazırlıqlara səbəb əməliyyatlar başladığı zaman terrorçuların Türkiyə sərhədində hər hansı təhlükə törətmə ehtimalıdır.

Məlumatda o da bildirilir ki, Türkiyə sərhəd ərazilərdə artıq düşərgələr yaratmağa başlayıb. Burada xəstəxana, qaçqın çadırlarının salınması planlaşdırılır. "No fly zone" (Uçuş qadağan olunmuş ərazi) yaradılarsa, Əsəd rejiminin qırıcıları bu bölgə üzərindən üça bilməyəcək.