Almaniya hökuməti İŞİD-ə qoşulmaq istəyən ölkə vətəndaşlarının qarşısını almaq üçün işlərə başlayıb.

Axar.az xəbər verir ki, alman vətəndaşlarının xarici ölkəyə gedişini əngəlləyəcək qanun layihəsinin qəbul olunacağı gözlənilir.

Federal Mətbuat Mərkəzində təşkil olunan mətbuat konfransında danışan Almaniya Daxili İşlər Nazirliyinin sözçüsü Pamela Müller-Nis Suriya və İraqa döyüşməyə getmək istəyənlərə qarşı bəzi tədbirlər görüldüyünü açıqlayıb.

Almaniya "Vətəndaşlıq" qanununda dəyişikliyə ehtiyac olduğunu bildirən Müller-Nis qanun qəbul olunarsa, vətəndaşların pasportunun ehtiyac olduğu təqdirdə hökumət tərəfindən alınacağını deyib.

İŞİD-in Almaniya üçün təhlükə yaradacağı barədə hökumət orqanlarında hər hansı məlumatın olmadığını deyən nazirlik rəsmisi təhlükəsizlik tədbirlərinin ən yüksək səviyyədə təşkil olunduğunu qeyd edib.

Bu arada Almaniya hökumətinin sözçüsü Steffen Sibert ölkəsinin İŞİD-ə qarşı əməliyyatlara qoşulmayacağını açıqlayıb. Onun sözlərinə görə, koalisiya tərkibində Almaniyanın öhdəsinə düşən vəzifə başqadır: "Koalisiya tərkibində olan ölkələrin hər biri fərqli sahələrdə köməklik göstərir. Almanya da bölgəyə humanitar yardım göndərir, kürdlərə silah və sursat yardımı edir. Hazırda hökumətin hərbi əməliyyatlarda iştirak mövzusunda verdiyi qərarda dəyişiklik yoxdur".