Yuxarı

Əbu-Dabi görüşü niyə qabağa çəkildi? - Mühüm

Ana səhifə Siyasət
12 Punto 14 Punto 16 Punto 18 Punto

Azərbaycan və Ermənistan liderlərinin Əbu-Dabidə konstruktiv görüşü ilə terrorçu PKK-nın silahları təhvil verməsinin birbaşa əlaqəsi olmasa da, hər iki hadisə Türkiyənin bölgədə artan rolundan xəbər verir.

Axar.az xəbər verir ki, bu sözləri politoloq Elxan Şahinoğlu bildirib.

Onun fikrincə, Ermənistanın Baş naziri Nikol Paşinyanın ötən günlərdə Türkiyəyə səfəri və İstanbulda Cümhurbaşqanı Rəcəb Tayyib Ərdoğanla qapalı görüşdə nələrin müzakirə edildiyi açıqlanmasa da, məhz bu səfərdən sonra maraqlı hadisələr cərəyan etməyə başladı:

“Birincisi, Paşinyan Kremlin dəstək verdiyi radikal müxalifət, kilsə və Rusiyaya bağlı işadamları ilə mübarizəni sərtləşdirdi. Paşinyan bu qüvvələrin ona qarşı çevriliş hazırladıqları planını faş etdi. Bundan sonra Azərbaycan və Ermənistan liderlərinin iyulun sonunda Əbu-Dabidə görüşəcəkləriylə bağlı xəbər yayıldı. Maraqlıdır ki, liderlər iyulun sonunu gözləmədilər. Doğru qərar idi, çünki Kreml Ermənistan və Azərbaycan əleyhinə pozuculuq fəaliyyətini genişləndirib. Zaman itkisinə yol vermək olmaz. Türkiyənin Rusiya ilə normal dialoqu olsa da, Ankara Bakı və İrəvan kimi Moskvanın Cənubi Qafqazda təsir imkanlarının azalmasında maraqlıdır.

Türkiyə Ermənistanın Azərbaycanla sülh sazişi imzalayacağı günü və Zəngəzur dəhlizinin açılmasını səbirsizliklə gözləyir. Bu, Türkiyənin Ermənistanla sərhədin açılmasına, diplomatik münasibətlərin qurulmasına və Cənubi Qafqazda daha da möhkəmlənməsinə şərait yaradacaq. Bu arada, PKK terrorçularının silahları təhvil verməyə başlaması Türkiyəni 40 ildir məşğul edən əsas problemdən qurtulmasına imkan verəcək. Bu prosesi pozmaq istəyənlər kənar qüvvələr olsa da, terror Türkiyənin gündəmindən çıxmaq üzrədir. PKK-dan Türkiyəyə qarşı daha kimlər istifadə etmədi ki? Rusiya, ABŞ, Yunanıstan, Fransa, Almaniya, İran, hətta Ermənistan imkanları daxilində PKK-nın ayaqda qalmasına dəstək verdilər. Ankara terrorçuları tərk-silah etməklə həmin dövlətlərin Türkiyə əleyhinə istifadə etdiyi aləti əllərindən almış olacaq”.

Tarix
2025.07.11 / 12:45
Müəllif
Axar.az
Digər xəbərlər

Məşhur həkimdən şok yazı: Səhiyyəmiz niyə batır?

Azərbaycan üzvlük istəyir: Rusiya mane olacaq?

Azərbaycana nifrət edən səfir uduzdu, geri çağırıldı

Paşinyan “bitdi” dedi, Rusiya isə Zəngəzurdan əl çəkmir

İrandan Zəngəzura qarşı inanılmaz bəyanat - Nə istəyir?

Zəngəzur dəhlizi həyati əhəmiyyət kəsb edir - Hoqland

Bakı - İrəvan razılaşması departamentin saytında dərc edildi

Azərbaycan - ABŞ Memorandumunun mətni açıqlandı

Azərbaycan və Türkiyə regional məsələləri müzakirə etdi

İlham Əliyev daha bir sərəncam imzaladı

KULT
Xəbər xətti
  
  
  
Axar.az'da reklam Bağla
Reklam
Bize yazin Bağla