Rusiyanın Baş naziri Dmitri Medvedev ölkəyə investisiya cəlb etmək məqsədi ilə xarici iş adamlarına vətəndaşlıq verilməsini asanlaşdıran sərəncam imzalayıb.

Axar.az xəbər verir ki, sərəncam bəzi sahələrə şamil olunmasa da, bir çox ölkənin iş adamının bundan yararlanacağı gözlənilir.

Nazirlər Kabinetindən verilən açıqlamada güzəşt edilməyəcək sahələrin adları açıqlanıb:

"Ölkəyə investisiya cəlb etmək məqsədi ilə verilən sərəncamda bəzi sahələr bu güzəştdən kənarda qalacaq. Bunlar əsasən topdan və pərakəndə satış, avtomobil və motor təmiri, otel, restoran, kafe, yeməkxana kimi xidmət sektoru, daşınmaz əmlak, reklam, mühasibat kimi sahələrdir".