"Baş nazir seçim qarşısındadır: ya Sərkisyanı devirməli, ya da ona sadiq qalmalıdır".

Axar.az xəbər verir ki, bu barədə Ermənistanın "Joqovurd" qəzeti məlumat yayıb. Ermənistanın ən iri oliqarxlarından sayılan "Çiçəklənən Ermənistan" Partiyasının lideri Qaqik Çarukyanın Sərkisyanı devirmək üçün koalisiya qurduğu bildirilir.

Qəzetin yüksək siyasi elitadan əldə etdiyi məlumatlara görə, Baş nazir Hovik Abrahamyan üçün artıq mövqe müəyyən etməyin vaxtı yetişib. Bildirilir ki, baş nazir vəzifəyə gələrkən Qaqik Çarukyana qarşı ambisiyaları dayandırmaq üçün hər şeyi edəcəyinə söz verib. Lakin bu təşəbbüs getdikcə onun özünün sonunu gətirir.

Baş nazir Hovik Abrahamyan ya prezident Sərkisyanı devirməli, ya da ona sadiq qalmalıdır.

Qeyd edək ki, Baş nazir Hovik Abrahamyan Ermənistan prezidenti Serj Sərkisyanın qudasıdır.