Rostovda Rusiya Müdafiə Nazirliyinə məxsus qəbiristanlıqda gizli qəbirlər aşkarlanıb.

Axar.az xəbər verir ki, rusiyalı blogger atasının qəbrini ziyarət üçün getdiyi qəbiristanlıqda kütləvi şəkildə yol kənarında dəfn olunmuş məzarlarla rastlaşıb. Onların əksəriyyətinin ölüm tarixi 2014-cü ilin yaz-payız aylarına təsadüf edir.

Ölümlərin bu tarixə təsadüf etməsi Rusiya Müdafiə Nazirliyinə qarşı şübhələri artırıb. Nazirlik və digər rusiyalı rəsmilər dəfələrlə Ukraynanın şərqində rus əsgərlərinin döyüşmədiyini açıqlayıblar.

Kütləvi məzarlığın aşkarlanmasından sonra iddia edilir ki, nazirlik ölən rus əsgərlərini gizli şəkildə burada dəfn edir.

Qeyd edək ki, qeyri-rəsmi məlumatlara görə, Ukraynanın şərqində hadisələrin başladığı gündən bu yana 4 minə yaxın rus hərbçisi həlak olub.