İngiltərədə yaşayan 22 yaşlı Şeri Emerson 3 il əvvəl öldüyü nənəsindən mesaj aldığını deyib.

Axar.az xəbər verir ki, Emerson nənəsi ölüm ayağında olarkən vəsiyyət etdiyini bildirib:

"Vəsiyyət etmişdi ki, torpağa tapşırılanda mobil telefonla basdırılsın. Biz də belə etdik. Amma 3 il sonra həmin nömrədən mənə mesaj gəldi".

Darıxdığı zaman nənəsinə mesaj yazan Emerson bir gün həmin nömrədən mesaj gəldiyini deyib:

"Bir dəfə həmin nömrədən mənə mesaj gəldi. "Gözüm üzərindədir. Hər şey gözəl olacaq. Bu da keçər. Səni izləyirəm və əmin ol, hər şey daha yaxşı olacaq", - yazılmışdı".

"Deyli Meyl" qəzetinə açıqlama verən Emerson bu mesaji aldıqdan sonra nənəsinin ölmədiyini zənn edib.

Daha sonra məlum olub ki, ölümündən 3 il keçdiyinə görə nömrə istifadəsiz qaldığı üçün satılıb. Telefonu aldıqdan sonra müxtəlif nömrələrdən mesaj və zənglər alan yeni istifadəçi yoldaşları tərəfindən zarafat edildiyini zənn edərək mesajla zarafatı davam etdirmək istəyib.

Araşdırmalardan sonra yeni istifadəçi Emersondan üzr istəyib. "O2" şirkəti isə həmin nömrənin bundan sonra heç kim tərəfindən istifadə edilməyəcəyinə söz verib.