Qazaxıstan Respublikası Milli Təhlükəsizlik Komitəsinin mətbuat xidməti xəbər verir ki, Qazaxıstan Sərhəd Xidmətinin direktoru Nurlan Culamanov vəzifəsindən sui-istifadə etməkdə şübhəli bilinərək saxlanılıb.

AzərTac xəbər verir ki, mətbuat xidmətinin məlumatında bu gün - oktyabrın 27-də Qazaxıstan Respublikası MTK-nın xüsusi təhlükəsizlik bölməsinin vəzifəsindən sui-istifadə edən vəzifəlilərə cinayət işi qaldırdığı bildirilir:

"Milli Təhlükəsizlik Komitəsi Sərhəd Xidmətinin vəzifəli şəxsləri tərəfindən xidməti səlahiyyətlərdən sui-istifadə faktlarının yoxlanılması çərçivəsində cinayət işi qaldırıb. Sərhəd Xidmətinin direktoru N.Culamanov bu cinayəti törətməkdə şübhəli bilinərək saxlanılıb. İş üzrə lazımi istintaq-əməliyyat tədbirləri görülür. Nəzarət Qazaxıstan Respublikasının Baş Hərbi Prokurorluğu tərəfindən həyata keçirilir".