CNN İnternational Rusiyada yayımını dayandıracaq.

Axar.az xəbər verir ki, Amerika televiziya kanalı CNN İnternational Rusiyadakı kabelli yayım operatorlarına məlumat göndərərək oradakı yayımını dekabrın 31-də sona çatdıracağını bildirib.

Rus mətbuatının məlumatına görə, CNN-in bu qərarının arxasında Rusiyada bir neçə ay bundan əvvəl qüvvəyə minən xarici media şirkətləri ilə əlaqədar qanunun dayandığı təxmin edilir.

Qərara münasibət bildirən Rusiya İnformasiya Nazirliyi isə qanunlara görə, CNN-in Rusiyada kabelli və ya peyk üzərindən yayımlanmasında hər hansı maneə olmadığını açıqlayıb.

Xatırladaq ki, Rusiya Prezidenti Vladimir Putinin oktyabrın 15-də imzaladığı qanunla rus media şirkətlərinə xarici vətəndaşların sahiblik etməsi qadağan edilib və xarici ortaqların payı yüzdə 20% məhdudlaşdırılıb.