Prezidentlərimizin 3 gün sonra Soçidə keçirəcəkləri görüş Türkiyə-İran münasibətlərinin inkişafının davamı yönündən rəmzi əhəmiyyətə malikdir.

Axar.az xəbər verir ki, bu açıqlama ilə Türkiyənin Nəqliyyat naziri Cahid Turxan çıxış edib.

Turxan Türkiyə ilə İran münasibətlərinin yalnız siyasi və ticarət yönümündən əhəmiyyət daşımadığını deyib:

"Ölkələrimiz arasında bəşəri və mədəni əlaqələr münasibətlərimizin şübhəsiz ən mühüm cəhətlərindən birini təşkil edir. İranla Türkiyə ticarət və mədəni əlaqələr baxımından bir-birini tamamlayan iki ölkədir. Türkiyə İranın Qərbə, İran da Türkiyənin Şərqə açılan pəncərəsi mövqeyindədir".

Qeyd edək ki, Rusiya, Türkiyə və İran liderləri Soçidə fevralın 14-də bir araya gələcək.