16:33

Dostlarımızla birlikdə prosesi yaxından izləyəcəyik. Ankara və İstanbulla bağlı aşkarladığımız bəzi faktlar var.

Axar.az xəbər verir ki, bu sözləri AKP-nin Baş katibi Fatih Şahin deyib.

“Ankarada etirazlarımız nəticəsində önəmli bir məsafə qət ediləcəyini görürük. Ankarada seçicinin iradəsinin başqalaşdırılaraq əks olunduğunu görürük. Şübhəsiz ki, bu məsələdə son qərarı verməli olan məhkəmədir. Bizim aşkarladığımız hazırda ictimaiyyətə təqdim edilən qədər fərqin olmadığını deyir. Məsələn, bir sandıqda 300 etibarlı səs var. Bunun bölüşdürülməsi zamanı başqalaşdırma aparılıb. Nəticəni dəyişib- dəyişdirməyəcəyini bilmirik. Biz haqq axtarma hüququmuzdan istifadə edəcəyik”, - Şahin bildirib.

***

İstanbulun bələdiyyə sədri seçkilərində səslərin yenidən hesablanması hazırkı nəticəni dəyişə bilər.

Bunu bələdiyyə sədri postuna namizədliyi Ədalət və İnkişaf Partiyasından irəli sürülən Türkiyənin sabiq Baş naziri Binəli Yıldırım deyib.

Ali Seçki Komissiyasının məlumatına əsasən, bülletenlərin 99,75 faizinin hesablanmasından sonra İstanbul bələdiyyəsinə keçirilən seçkilərdə Əkrəm İmamoğlu 48,79 səslə önə çıxıb, Binəli Yıldırıma isə seçicilərin 48,51 faizi səs verib.

Yerli seçkilərdə əsas mübarizə ənənəvi olaraq İstanbulda gedir. Hazırkı Prezident Rəcəb Tayyib Ərdoğan 1990-cı illərdə Türkiyənin ən böyük meqapolisinin bələdiyyəsinə rəhbərlik edib. Seçkilərdə ölkənin böyük şəhərlərində qələbə qazanmaq partiyaların əsas məqsədlərindən biridir.

Xatırladaq ki, martın 31-də Türkiyədə yerli orqanlara keçirilən seçkilərin bu saata olan ilkin nəticələrinə əsasən, Ədalət və İnkişaf Partiyası və Milliyyətçi Hərəkat Partiyası alyansı 51,63 faiz, Cümhuriyyət Xalq Partiyası və Yaxşı Partiya ittifaqı isə 37,55 faiz səs toplayıb.

***

Türkiyədə keçirilən bələdiyyə seçkiləri nəticəsində İstanbul şəhər bələdiyyəsinin sədri vəzifəsinə müxalif Cümhuriyyət Xalq Partiyasının (CXP) namizədi Əkrəm İmamoğlunun seçildiyi təsdiqlənib.

Seçkiləri 4 milyon 165 min səslə (48,79 faiz) qazanan Ə.İmamoğluna qarşı hakim Ədalət və İnkişaf Partiyasının namizədi, keçmiş baş nazir Binəli Yıldırım 4 milyon 138 min (48,51 faiz) səs toplayaraq ikinci olub.