Azərbaycan və Ermənistan Şanxay Əməkdaşlıq Təşkilatının (ŞƏT) fəal dialoq tərəfdaşlarıdır, ümumi əməkdaşlıqda və birgə tədbirlərdə iştirak edirlər.

Axar.az xəbər verir ki, bu sözləri ŞƏT-in Baş katibi Nurlan Yermekbayev “Rusiya ilə Azərbaycan, eləcə də Rusiya və Ermənistan arasında münasibətlərin dondurulması onların ŞƏT-dəki perspektivlərinə təsir edə bilərmi” sualına cavabında deyib.

"Mənim bu məsələ ilə bağlı tam məlumatım yoxdur və ikitərəfli məsələlərə münasibət bildirmək hüququm da yoxdur”, - Yermekbayev qeyd edib.

Baş katibin sözlərinə görə, yeni üzvlərin qəbulu haqqında qərar Xartiyanın, digər beynəlxalq müqavilələrin, ŞƏT sənədlərinin müddəaları əsasında bütün üzv dövlətlər tərəfindən konsensus yolu ilə verilir.