Hindistan Baş naziri Narendra Modi ilə Ukrayna Prezidenti Vladimir Zelenski arasında telefon danışığı baş tutub.

Axar.az xəbər verir ki, bu barədə Zelenski özü məlumat yayıb.

Zelenski Modinin Ukraynada atəşkəs çağırışını dəstəklədiyini bildirib.

"Mən indicə Hindistan Baş naziri Modi ilə baş verənlərlə bağlı danışdım. Rusiya müharibəni davam etdirir, öldürməyə davam edir. Hindistanın baş nazirinin atəşkəs zərurəti ideyasını dəstəkləməsi vacibdir ki, bu da Rusiyanın diplomatik danışıqlara hazır olduğuna dair açıq mesaj olacaq. Biz bunun Çindəki görüşdə səsləndiriləcəyini gözləyirik", - Zelenski vurğulayıb.