Ana səhifə Planet |
Türkiyənin Xəzinə və Maliyyə naziri Barat Albayraq ABŞ Prezidenti Donald Trampla görüşüb.
Axar.az xəbər verir ki, görüşlə bağlı açıqlama verən nazir Türkiyə Prezidenti Rəcəb Tayyib Ərdoğanın mesajlarını ABŞ tərəfinə çatdırdığını bildirib.
“Bazar ertəsi günü iki proqramımız vardı. Bunlardan biri Ağ Evdəki həmkarlarımızla idi. 20 milyard dollarlıq ticarət həcmini 75 milyard dollara qaldırmaqla bağlı danışdıq. Bundan əvvəl məhdud çərçivədə toplantı keçirildi, ABŞ prezidenti bizi qəbul etdi, prezidentimizin bəzi mesajları vardı, onları çatdırdıq. Kifayət qədər müsbət bir görüş keçirildi”, - Albayraq bildirib.
Türk nazir həmçinin ABŞ prezidenti ilə S-400 məsələsinin də müzakirə edildiyini açıqlayıb.
Albayraq həmçinin Trampla Ərdoğanın yaxın vaxtlarda görüşə biləcəyini qeyd edib.
Xatırladaq ki, Vaşinqtonda Barat Albayraq həmçinin ABŞ Prezidenti Donald Trampın baş müşaviri Cared Kuşnerlə də görüşüb.
Tarix
2019.04.16 / 10:58
|
Müəllif
Orxan Tağıyev
|