Ekvador Culian Assancın Londondakı səfirlikdən çıxarılmasının təşkil olunması üçün bir ildən çox çalışıb.
Axar.az xəbər verir ki, bu barədə ABC telekanalı amerikalı və ekvadorlu məmurlara istinadla informasiya yayıb.
Məlumata görə, Ekvador səfirliyinin əməkdaşları Assancın varlığından ciddi şəkildə narahat olublar və onun saxlanılması üçün kifayət qədər ciddi məbləğdə pul xərclənib. Ekvador 2012-ci ildən bu yana Assancın xərclərinə 10 milyon avro ayırıb. Belə olan halda Britaniya rəsmiləri ilə əlaqə yaradan Ekvador hökuməti Assancın qaytarılması üçün şərtlə çıxış ediblər. Ekvador sözügedən şəxsin edam hökmünün qüvvədə olduğu bir ölkəyə ekstradisiya edilməməsini tələb edib. Bu tələb daha sonra hər iki ölkənin Almaniyadakı səfirlərinin görüşündə ABŞ tərəfinə də çatdırılıb.
Yalnız səfirlərin görüşündən sonra ABŞ-ın Almaniyadakı səfiri Riçard Qrenel ölkəsinin Ədliyyə Nazirliyi ilə məsləhətləşmələr aparıb. Assanc barəsində ölüm hökmünün istisna edilməsindən sonra Ekvador tərəfi onun səfirlikdən çıxarılmasına razılıq verib.