Rusiya Prezidenti Vladimir Putin mart ayında referendum yolu ilə Rusiyaya birləşdirilən Krım və Sevastapoldan vaz keçməyəcəyini açıqlayıb.

Axar.az xəbər verir ki, Krımın Rusiyaya birləşdirilməsinin Rusiya xalqı üçün tarixi əhəmiyyət daşıdığını deyən Putin yarımadanı müqəddəs torpaqlarla müqayisə edib: "Krım və Sevastopolun Rusiya üçün müqəddəs və mədəni dəyəri var. İslam və Yəhudi dinlərinə mənsub olanlar üçün Qüds necə müqəddəsdirsə, bura da bizim üçün elədir. Biz də bunu bu şəkildə qəbul edirik və belə də davam edəcəyik".

Kremldə reallaşan toplantıda çıxış edən Putin rus xalqının formalaşmasdında Krımın əvəzsiz rolu olduğunu qeyd edib:

"Bizim vətəndaşımız Krımda yaşayır. Bu torpaqlar bizim üçün hər anlamda dəyərlidir. Rusiya dövləti və rus xalqının formalaşmasında bura çox böyük bir əhəmiyyətə sahibdir. Bütün Rusiyanın xristianlaşdırılmasında böyük rol oynayan Knyaz Vladimir (960-1015) burada doğulub".